Çfarë doni të shikoni në TV?

Sa herë merrni telekomandën, a ndjeheni se mund t’ju ofrojë argëtim? Apo mbase doni më shumë të merrni informacion ose të shikoni telefilmin tuaj të preferuar!

E DIELL do të dedikojë një puntatë për teleshikuesit, “të porositur” nga vetë teleshikuesit!

Ju jeni protagonistët dhe ju vendosni për të ftuarit.

Si do ishte të bësh television për një të dielë në vend që ta shikosh nga shtëpia?

Çfarë komentesh do të merrnit? Si do reagonin të afërmit dhe shokët/shoqet tuaja?….Uaaaa sa gjëra!

Mund ti zbuloni! Mjaft të na kontaktoni në inbox, email ediell@top-channel.tv dhe/ose në 0695454347.

MAMAJA IME GATUAN MË MIRË SE E JOTJA- E DIELL

4 RECETAT E PARA

Po ndajmë me ju recetat e gatuar këto dy të diela në “Mamaja ime gatuan më mirë se e jotja”, vetëm në “E DIELL”.

FËRGESË “TIRONSE”

Përbërësit:

Mëlçi të zeza

Salcë domatesh

Gjizë

Qepë

Hudhra

Pak Miell

Spec I kuq ( mund të jetë dhe pak djegës)

Vaj

Kripë

Piper

Në fillim pastrohet dhe qërohet qepa dhe hidhet në tigan. Ndërkohë priten mëlçitë dhe hidhen në tigan bashkë me qepët dhe kaurdisen derisa të skuqen mirë.

Më pas u shtohet pak miell dhe salca e domateve dhe lihen të marrin një valë. Fërgesa kriposet si dhe I hidhet spec I kuq dhe piper sipas dëshirës.

Për ta përfunduar duhet të futet në furrë, në një tavë dheu derisa të krijojë një shtresë të kuqe në ngjyrë të zënë. Zerviret me tavë dheu dhe ende e nxehtë duke vluar. 

LINGUINI ME KARKALECA

Përbërësit:

1 pako makarona Linguine

Karkaleca

Domate të vogla (domate qershi)

Qepë

Hudhër

Vaj

Kripë

Piper

Verë e bardhë gatimi

Vëmë ujin të ziej dhe zziejmë linguinet sipas minutazhit që shënohet në ambalazhin e tyre. Ndërkohë në tigan skuqim pak qepën. Më pas hedhim domatet të prera në dysh dhe në fund hedhim karkalecat e qëruar. Karkalecat nuk duhet të qëndrojnë shumë në zjarr, pasi piqen shumë shpejt. Ndërkohë kjo shuhet me verë të bardhë.

Heqim makaronat nga zjarri, I kullojmë dhe më pas I hedhim në tiganin ku janë përgatitur karkalecat që të marrin shijet e njëra-tjetrës. 

RIZOTO ME 3 DJATHRAT

Përbërësit:

Djath I tymosur

Djath për Pizza

Djath parmigano I grirë

Oriz

Vezë

Arrë moskat

Gjalp

Piper

Kripë

Në fillim vihet orizi në zjarr për tu zier (masa 1 ujë dhe 2 oriz). Ndërsa zihet orizi bëhet gati një tavë për në furrë. Në fund të saj hidhet pak djath I tymosur, I prerë në kubik dhe djath I grirë.

Rrihen vezët dhe bëhen gati me pak kripë.

Ndërkohë orizi lihet të ziejë por jo deri sat ë ketë shteruar të gjithë ujin. Me shumë pak ujë hidhet në tavën e bërë me djath. I hidhet dhe gjalpi. Ndërkohë sipër krijohet një shtresë me vezë dhe djathë pice.

Tava më pas futet në furrë që të piqet për shumë pak.

PURE PATATE ME FILETO PULE

Përbërësit:

Patatate

Qumësht

Gjalp

Speca

Pulë- pjesa e gjoksit

Hudhra

Vaj

Kripë

Piper

Majdanoz

Patatet lahen, qërohen dhe priten dhe vendosen të zien. Ndërkohë që dhe fileto e pulës lahet dhe vendoset në një tigan me vaj, bashkë me specat. Specat mund të jenë me shumë ngjyra oër të krijuar një efekt sa më të këndshëm.

Pasi të jenë zier patatet, hiqen mënjanë, kullohet uji dhe hidhen në një enë të qelqtë ku u hidhet qumështi dhe shtypen në mënyrë uniforme. Puresë i hidhet dhe gjalp, si dhe mund ti hidhet dhe majdanoz.

Ndërkohë dhe pula është skuqur dhe ka marrë një faqe bashkë me specat.

Pjata serviret në këtë mënyrë: vihet pureja, anash vihen filetot dhe specat dekorojnë purenë dhe fileton. 

Si e pritet ftesen ne "E Diell" ?

Kur më kontaktuan e prita me shumë kënaqësi! Më thanë për këtë rubrikë dhe u entuziazmova shumë.  Mezi prisja të filloja!

Çfarë mbresash të la “Pa Limit”?

Unë mendoj se e përmbush plotësisht emrin "Pa Limit" . Ne aty beme gjera te shfrenuara, u shkrime duke qeshur dhe te ftuarit speciale u argetuan shume.  Në javët e ardhshme priten shumë surpriza të reja. Besoj që edhe publikut do t'i pëlqejë shumë! 

Ai momenti tek shtëpia e pjerrët si tu duk?

Ai ishte një moment shumë i veçantë dhe më pëlqeu shumë. Është me të vërtetë qejf të ecësh në një pjerrtësi të atillë.

Si ta përmirsojmë aktivitetin mendor me anë të dietës?

Këto 6 ushqime e ndihmojnë trurin tonë duke....

BORONICA

Disa kokrra boronica në ditë, ndohmojnë që të kthejnë memorien. Boronica mbron qelizat nervore nga dëmtimi.

ÇOKOLLATA E ZEZË

Çokollata zezë ju ndihmon jo vetëm të mendoni më shpejt por edhe të flisni më rrjedhshëm.
Tani kemi një justifikim të denjë për të ngrënë çokollata...

BROKOLI

Brokoli ndihmon në parandalimin e sëmundjes së Alzhaimerit dhe....depresionit :)

SALMON

Duke qënë se është një burim vaji peshku, ndihmon trurin që të funksionojë më shpejt :)

AVOKADO

Pavarsisht shijes avokado ndihmon trurin të jetë shumë optimist. Ndihmon qelizat që të mos dëmtohen dhe të jenë në forcën e tyre optimale.

GRURI

Kur të blini produkte brumi, mos hezitoni të merrni produktet me miell gruri të pa përpunuar :) Në këtë mënyrë ju do keni një përqëndrim më të mirë.

Herën tjetër që bëni pazar konsideroni këto produkte: BORONICA, ÇOKOLLATA E ZEZË, BROKOLI, BROKOLI,  SALMON, AVOKADO, GRURI. 

Dhe blejini tek shitësit vendas se të gjitha gjenden në tregun tonë :)

Burimi: http://www.telegraph.co.uk/news/science/science-news/11364896/Brain-food-6-snacks-that-are-good-for-the-mind.html 

Disa "sekrete" për audicione të suksesshme

Do të provosh veten? Vendi më i mirë mund të jetë ekrani i një televizioni dhe sidomos një ndër formatet më të famshme ndërkombëtare si Big Brother apo The Voice.

Çka shkruhet më poshtë është frymëzuar nga takimi me konkurentë të edicioneve të Big Brother Albania që janë në “E Diell” duke sfidaur njëri tjetrin në një seri lojërash argëtuese.

Avantazhet që të jep pjesmarrja në një format televiziv, janë të shumta, si kontakte, eksperiencë të re, një element më shumë në CV tuaj, trajnime të shumta për të folurën në publik, si të sillemi me ata që na ndjekin dhe mbi të gjitha mund të keni një mundësi për tu bërë dikushi.

Pra, në prag të thirrjeve për aplikime për Big Brother Albania 8 dhe The Voice 5, janë disa gjëra të thjeshta që mund të ndiqni:

Aplikoni duke ndjekur rrugët që jepen në televizor, ose në rrjetet sociale

Kur ju thërrasin për audicion, mund të informoheni mbi programin që keni aplikuar, faqet web të Top Channel i kanë gjithë informacionet e nevojshme

Mos hezitoni të tregoni për veten në mënyrë që të kuptoni se çfarë mund të përmirësoni

Pjesmarrja në emisione të tjera mund të jetë një avantazh, se ju jep më shumë mundësi të mësoheni me televizionin

Ditën e audicionit, përgatit mirë materialin tënd (këngë ose intervistë) dhe është më mirë të zgjedhësh diçka të thjeshtë, por që e bën mirë, se diçka që bie në sy, por mund të dalësh keq

Emocionet, mund të jenë problem, prandaj ditën e audiconeve, mere veten me të mira dhe kujto për eksperiencën e bukur që të pret.

Për më shumë mund të shikoni më poshtë, disa “sekrete” se si të dilni sa më mirë.

Për audicionet me këngë: (http://www.singwise.com/cgi-bin/main.pl?section=articles&doc=SingingAuditionTips; https://www.successfulsinging.com/free-singing-guides/audition-advice/ )

Për audicionet me intervistë: (http://www.backstage.com/advice-for-actors/backstage-experts/4-solutions-easing-audition-nerves/; http://www.dailystar.co.uk/tv/big-brother/360747/The-10-top-tips-on-how-to-be-a-Big-Brother-housemate ; http://www.behindbigbrother.com/2012/05/auditions-the-complete-process/ )

Ky është blogu zyrtar e programit “E Diell”, entertainment show, çdo të dielë në Top Channel. Kuriozitete, thashetheme dhe lajme interesante mund të gjenden vetëm këtu.

NA NDIQNI…ose në këtë rast na lexoni.